إعداد : منير بناني
شارع الطاح فمدينة الداخلة عاش، اليوم، لحظات توتر بعدما سيارة من نوع “نيسان” تسببات فـ اصطدام متسلسل بين خمس سيارات، من بينهم ثلاث طاكسيات، الأمر لي خلق فوضى فحركة المرور وخلا السائقين والركاب يعيشو حالة ارتباك وخوف.
الركاب بين الذعر والتضامن
شهود عيان حكيو على لحظات صعيبة عاشوها ركاب الطاكسيات، قبل ما يتدخل المواطنون بعفوية باش يعاونو المتضررين وينظمو حركة المرور إلى حين وصول السلطات الأمنية والوقاية المدنية.
نقاش قديم يتجدد
هاد الحادث رجع يطرح بزاف ديال الأسئلة على سلامة الطرق فـ الداخلة، غياب التشوير الواضح، وضعف التنظيم المروري، وزيد عليهم تهور بعض السائقين لي كيحول الشوارع لساحة حوادث ما كتساليش.
